Wustajeńce Lodki
My organizěrujomy wustajeńce serbskich wuměłcow w klubowni a kabinetowe wustajeńce w rumnosćach LODKI.
Naše drogowańske wustajeńcy móžośo se zadermo wupóžycyś.
Pśiduca wustajeńca
(Foto: Lena Kolbow)
(Foto: Michelle Kalz)
Wótwórjenje wustajeńce 29.10.26 zeg. 18:00
“Pytamy za slědami | Unsere Spurensuche”
Lena Kolbow a Michelle Kalz
W nowej wustajeńcy w Serbskem domje Chóśebuz / Chóśebuz źotej Lena Kolbow a Michelle
Kalz pó slědach w swěśe serbskich powěsćow. Wobej młodej wuměłcowce stej we Łužycy doma.
Lena Kolbow, 24 lět stara, jo absolwěrowała pó swójej abiturje wukubłanje ako wótkubłaŕka
na OSZ w Chóśebuzu a jo se tam wobźěliła na kurs serbšćiny. To jo ju inspirěrowało, se ze
serbskeju kulturu a swětom bajkow a powěsćow wuměłski rozestajaś.
Michelle Kalz, 28 lět stara, jo ilustratorka a comicowa wuměłcowka. Ze swójimi digitalnymi
wobrazami rozestaja se tejerownosći z temu powěsći, tradicije a nałogi Serbow. Wót lěta
2023 wózjawijo swóje, za wětšy źěl žortne comici pód mjenim „Zweite Reihe Mitte“.
Wustajeńca jo wót 30.10.2026 do 22.01.2027 wšednje pónjeźele do pětka wót zeger 10.00 až do 16.30 a kóńc tyźenja pó dojadnanju wiźeś.
Wótwórjenje wótmějo se 29.10.2026 zeger 18.00 w Serbskem domje. Zastup jo dermo.
Aktualna wustajeńca
Foto: Marita Wobser
“Łužyske grajkanje z barwami“
Marita Wobser
Marita Wobser pokazujo wót awgusta swóje barwojte wobraze z wšakorakimi motiwami z Dolneje Łužyce w Serbskem domje. My bužomy wiźeś łužysku krajinu a jeje pśemjenjenje, wjelerakosć a rědnosć serbskeje drastwy a teke pótajmny swět serbskich powěsćow.
Serbska kultura lažy Mariźe Wobser na wutšobje. Ale na prědku stoj pśecej wjasele pśi mólowanju a wobglědanju. A to ze zmyrkanjom.
Wuměłcowka mólujo južo wjele lět. Motiwy su cesto byli luźe, zwěrjeta, abstraktny wobraze abo śichowobraze. Mólowanje wótnapina wuměłcowku a wóstśi jeje wiźenje na wjele.
Wuběrk twórbow jo něnto wiźeś w Serbskem domje. Z někotarymi słowami zawjeźo dr. Pětš Šurman do wustajeńce. Kupka Drjewjanki buźo wjacor muzikaliski pśewóźowaś.
Wustajeńca jo wót 07.08.2026 do 16.10.2026 wšednje pónjeźele do pětka wót zeger 10.00 do 16.30 a kóńc tyźenja a swěty źeń pó dojadnanju wiźeś.
Wustajeńcu wupóžycyś
Naše drogowańske wustajeńcy móžośo se zadermo wupóžycyś:
