Wustajeńce Lodki
My organizěrujomy wustajeńce serbskich wuměłcow w klubowni a kabinetowe wustajeńce w rumnosćach LODKI.
Naše drogowańske wustajeńcy móžośo se zadermo wupóžycyś.
Pśiduca wustajeńca
Wótwórjenje wustajeńce 25.04.2024 zeg. 18:00
30 lět Spěchowańske towaristwo za serbsku rěc w cerkwi z. t. –
Wustajeńca pśi góźbje jubileja w Serbskem domje w Chósebuzu
Pó dłujkolětnem pódtłocowanju serbskeje rěcy w cerkwi su se wót lěta 1987 zasej pśewjadli serbske namše w Dolnej Łužycy. Aby se źěło kupki Serbska namša dalej pódpěrało, jo se załožyło w lěśe 1994 Spěchowańske towaristwo za serbsku rěc w cerkwi z. t. (STSRC). Wó jogo wobšyrnem a casy tež žurniwem statkowanju wót załoženja až do pśibytnosći znani wustajeńca, kótaraž buźo wiźeś wót 25. apryla 2024 až do 26. julija w Serbskem domje w Chóśebuzu. Wóna pśedstajijo wósadne žywjenje a dajo pśeglěd wó serbskich a serbsko-nimskich namšach a fararjach, kótarež su zapowědali Bóže słowo w maminej rěcy a to źinsa hyšći gótuju. Dalej se prezentěruju plakaty, kenž su ze spěchowanim towaristwa nastali a šyroka paleta publikacijow towaristwa, mjazy drugim nowe wudaśe serbskeje Biblije z lěta 1868 w śišćanej a digitalnej formje, serbske spiwaŕske a wjele drugich duchownych knigłow.
Wustajeńcu pśigótuju cłonki towaristwa w kooperaciji ze Serbskeju kulturneju informaciju LODKA a Šulu za dolnoserbsku rěc a kulturu, a wóna se spěchujo wót Załožby za serbski lud a Ewangelskeje cerkwje Barliń – Bramborska – šlazyńska Górna Łužyca (EKBO).
Wustajeńca se wótwórijo dnja 25.04.24 zeg. 18:00 w klubowni Serbskego doma (droga Augusta Bebela 82) w Chóśebuzu. KMD Peter Wingrich a Anke Wingrichowa ju muzikaliski pśewóźijotej.
Aktualna wustajeńca
“rownowen do mólowanja | drauflosgemalt”
Johannes Hustädt
Awtistiski wuměłc Johannes Hustädt z Chóśebuza mólujo wót źiśetstwa, wobstawnje a z rozpalonosću.
Gaž pśez swóju intuiciju zacuwa, až co něco wěstego z njogo wen, mólujo w zmysle słowa rownowen. Casy
se zda, ako by te w jogo nutśikownem składowane wobraze tšojenja a dožywjenja w jogo mólarnjach
wótbłyšćowali. To mógu byś wobglědowanja z pśirody, wobraze pó muzikach a filmach, fantazijowe a
bajkowe motiwy, wuznamne wósobinske situacije a symboliski nakazane wašnja žywjenja.
Wustajeńca jo až do 19.04.2024 wšednje pónjeźele do pětka wót zeger 10.00 do 16.30
a kóńc tyźenja a swěty źeń pó dojadnanju wiźeś.
Wustajeńce (2022 a 2023)
“Doma, doma rědnje jo – Zu Hause ist es am schönsten”
Wót stwórtka, 02.11.2023 jo k wiźenju nowa wustajeńca w Serbskem domje.
Až do 19.01.2024 móžośo se tu wustajeńcu woglědaś.
Serbske žywjenje w Drjenowje | Drehnow – wendische Lebensbilder
“Rěc zwězujo” jo mě wuběźowanja, ako jo łoni pśewjadła Załožba za serbski lud. Dolnoserbski sekstet z.t. jo se procował wó myto z ideju, se zaběraś z wuwiśim něga ceło serbskeje jsy Drjenow. Wjele raz su se na burskich dwórach zmakali a zběrali informacije a dokumenty.
Co jo w Drjenowje serbskego, kake tradicije how woplěwaju? Co jo wjas we wušej 100 lětach pregowało? Wažne žywjeńske drogi staršeje generacije su wobwliwowane pśez wobej swětowej wójnje. Kak jo se wuwijało serbske žywjenje w pówójnskem casu? Jo serbska rěc grała w šuli, cerkwi abo rolnikaŕstwje jadnu rolu? Wšykne aspekty wejsnego žywjenja pomagaju nam rozměś źinsajšnu situaciju. A to dej nas zrazom teke pógnuwaś pśemyslowaś, co jo nam teke źinsa wažne.
Póstark su byli žywjeńske dopomnjeśa Johanny Pontoweje, kótarež jo spisała z pomocu źowki Doris Klinke-Schulze. Dolnoserbski sekstet jo ceły projekt pśewóźował.
Kóńc lěta 2022 jo se zgromaźony material a publikaija w nimskej a a zukowe nagrawanja serbskej rěcy pśedstajili w Drjenowje. Te jadnab 100 starych fotografijow pokazujo wšake aspekty serbskego burskego žywjenja we jsy pśez wěcej generacijow. Wustajeńca SKI Lodka w Serbskem domje, kótaraž se wótwórijo 27. julija, pokazujo wuběrk fotow. Dolnoserbskemu sekstetoju jo se z projektom raźiło, pśinjasć wjele luźi gromadu. A což jo se wubuźiło, žagli se nadalej. Dalšne aktiwity su slědowali a budu nadalej slědowaś.
Der besondere Blick – zwischen Struktur & Illusion
wósobny glěd – mjazy strukturu a iluziju
Frank Stein ze Slěpego źěła ako lichy grafikaŕ a wuměłc w metěrje Airbrush-designa, mólarstwa, ilustracije a grafikowego designa. Bliskosć k fotografiji jo nastała w 1990tych lětach. Aby póglěd na nastate foto hyšći intensiwěrował, eksperimentěrujo wón w pokazanej wustajeńcy źělnje z śišćom na błyšćecych aluminijowych platach. Někotare fotografije Frank Stein wótbłyšćuju zgromadne źěło z Thomasom Schwarzom.
Thomas Schwarz tejerownosći ze Slěpego pokazujo skulptury, stwórjeńce z wósebnych bomow Łužyce. Wót gronje zwjerśane pjenjeze pśez prastare dubowe relikty až k rědkemu źiwemu kšuškoju. Wšykne maju waše swójske tšojeńka ako bywa dožywjobne w optice a haptice skulpturow.
Wustajeńca jo wót 21.04.2023 do 21.07.2023 wšednje pónjeźele do pětka wót zeger 10.00 do 16.30 a kóńc tyźenja a swěty źeń pó dojadnanju wiźeś.
Zastup jo dermotny.
CHMJELOW NĚGA & ŹINSA
SCHMELLWITZ GESTERN & HEUTE
Wót stwórtka, 26.01.2023 jo k wiźenju nowa wustajeńca w Serbskem domje.
Až do 14.04.2023 móžośo se tu wustajeńcu woglědaś.
“módre z běłymi kwětkami”- módrośišć
„Blau mit weißen Blumen“ – eine Fotoausstellung über den Blaudruck
Wót stwórtka, 27.10.2022 jo k wiźenju nowa wustajeńca w Serbskem domje.
Až do 13.01.2023 móžośo se tu wustajeńcu woglědaś.
Heinz Bahrke z Rogeńca
„Widy – Blickwinkel“
Wót stwórtka, 14.07.2022 jo k wiźenju nowa wustajeńca w Serbskem domje.
Až do 30.09.2022 móžośo se tu wustajeńcu woglědaś.
Finisaža bužo sobotu, 02.07.2022 zeg. 11:00
„Woblica- Antlitze“
Lenka Teurigowa z Drježdźan
Wót stwórtka, 12.05.2022 jo k wiźenju nowa wustajeńca w Serbskem domje.
Až do 08.07.2022 móžośo se tu wustajeńcu woglědaś.
Fotowa wustajeńca „Liuba“
Wót stwórtka, 03. februara 2022 jo k wiźenju nowa fotowa wustajeńca w Serbskem domje.
Pód titelom „Liuba“ prezentěruju se drastwowe fota. Projektowa wjednica jo Stefanie Masnik była.
Až do 14. apryla 2022 móžośo se tu wustajeńcu woglědaś.
Fotowy projekt jo spěchowany pśez Waloraciju serbskego kulturnego derbstwa za Łužycu.
Wustajeńcu wupóžycyś
Naše drogowańske wustajeńcy móžośo se zadermo wupóžycyś:
